მსოფლიო სტატისტიკის თანახმად, 2021 წელს ინსულტით 15 მილიონი ადამიანი დაავადდა, 5,5 მილიონი გარდაიცვალა, კიდევ 5 მილიონს კი ინსულტით გამოწვეული ინვალიდობა აღენიშნა. ჯანდაცვის მსოფლიო ორგანიზაცია 2050 წლისთვის ინსულტის დიაგნოზის ყოველწლიური მაჩვენებლის გაზრდას 30 მილიონამდე პროგნოზირებს.
რა არის ინსულტი?
რა არის ინსულტი?
ინსულტი პათოლოგიური მდგომარეობაა, რომელიც თავის ტვინის რომელიმე უბანში სისხლის მიმოქცევის მწვავე მოშლას გულისხმობს. შედეგად, ტვინის უჯრედებს შესაბამისი რაოდენობით ჟანგბადი და საკვები ნივთიერებები ვერ მიეწოდება და კვდომას იწყებს. შემთხვევათა 1/3-ში ინსულტი იწვევს სიკვდილს, 1/3-ში კი – ღრმა ინვალიდიზაციასა და მძიმე ნევროლოგიურ დეფიციტს.
ინსულტის გამომწვევი მიზეზები
ინსულტის გამომწვევი მიზეზები
რა არის ინსულტის სიმპტომები?
რა არის ინსულტის სიმპტომები?
სიმპტომების გამოვლენა დამოკიდებულია პროცესის ლოკალიზაციასა და ზომაზე, რაც განპირობებულია სისხლის მიმოქცევის მოშლით ტვინის სხვადასხვა უბანში. შესაძლოა, სიმპტომები გამოხატული იყოს იზოლირებულად ან რამდენიმე მათგანთან კომბინაციაში.
რეალური ისტორიები
რეალური ისტორიები
ინსულტის შედეგად განვითარებული ეგზოფთალმია და ქალი, რომელსაც სიცოცხლე შეუნარჩუნდა
ინსულტის მწვავე შედეგები დამარცხებულია – თრომბექტომიამ პაციენტის სიცოცხლე იხსნა
ინსულტიდან 1 საათში – ნეიროქირურგების სწრაფი და სპეციალიზებული მკურნალობით გადარჩენილი ახალგაზრდა მამაკაცი
74 წლის ქალი ინსულტის მწვავე შედეგებისგან სრულიად გამოჯანმრთელდა
64 წლის მამაკაცი, რომელიც მწვავე იშემიური ინსულტისგან განიკურნა
მეტყველების მოშლიდან სრულ გამოჯანმრთელებამდე – ინსულტის შედეგები შეჩერებულია!
70 წლის მამაკაცი ინსულტის მწვავე შედეგებისგან განიკურნა
ინსულტი შუახნის ასაკში – 58 წლის ქალის გადარჩენის ისტორია
ჩვენი ექიმები
ჩვენი ექიმები
ზაზა ქაცარავა
მედიცინის აკადემიური დოქტორი, პროფესორი, ნევროლოგი
დაამთავრა თბილისის სახელმწიფო სამედიცინო ინსტიტუტი და რეზიდენტურა ნევროლოგიის მიმართულებით გაიარა. ივანე ბერითაშვილის სახელობის ფიზიოლოგიის ინსტიტუტის ბაზაზე დაიცვა საკანდიდატო დისერტაცია. გაემგზავრა ესენში, გერმანიის აკადემიური გაცვლის სამსახურის (DAAD) სტიპენდიით და რეზიდენტურა დაამთავრა. მოგვიანებით ამავე უნივერსიტეტში ნევროლოგიის განყოფილების უფროსი სპეციალისტის პოზიცია დაიკავა და სადოქტორო დისერტაცია დაიცვა. პარალელურად, ბოსტონში, ჰარვარდის უნივერსიტეტში კლინიკური ეპიდემიოლოგიის მეცნიერებათა მასტერის ხარისხი მიიღო. ასევე, გაიარა ბალტიმორის ჯონს ჰოპკინსის უნივერსიტეტში სამედიცინო ხარისხის დაცვის კურსი და კელნის MIBEG-ის ინსტიტუტში სამედიცინო მენეჯმენტის პროგრამა.
მედიცინის აკადემიური დოქტორი და პროფესორი უნას ქრისტიანული ჰოსპიტლის ნევროლოგიის, გერიატრიისა და ნევროლოგიური და ნეიროქირურგიული ადრეული რეაბილიტაციის დეპარტამენტის ხელმძღვანელი გახლავთ. ასევე, არის ნევროლოგიის პროფესორი ესენის უნივერსიტეტში. მის სახელს უკავშირდება ორასზე მეტი სამეცნიერო ნაშრომი და პუბლიკაცია.
ზაზა ქაცარავა მსოფლიოს ჯანმრთელობის დაცვის ორგანიზაციის (WHO) ოფიციალური პარტნიორის, თავის ტკივილის საწინააღმდეგო გლობალური კამპანიის თავმჯდომარეა. ასევე, გახლავთ საქართველოს თავის ტკივილის ასოციაციის საბჭოს წევრი და საქართველოს ნერვ-კუნთოვანი დაავადებებისა და ელექტრომიოგრაფიის ასოციაციის წევრი. გარდა ამისა, ზაზა ქაცარავა მოსკოვის ივ. სეჩენოვის სახელმწიფო სამედიცინო აკადემიისა (MSMU) და თბილისის სახელმწიფო სამედიცინო უნივერსიტეტის მოწვეული პროფესორია.
თამარ ჯანელიძე
დასავლეთ საქართველოს სამედიცინო ცენტრის ნევროლოგიური მიმართულების უფროსი
დაამთავრა ქუთაისის სახელმწიფო უნივერსიტეტის სამედიცინო ფაკულტეტი, რის შემდეგაც სწავლა ნევროლოგიური მიმართულებით ხარკოვის სამედიცინო აკადემიაში განაგრძო. მოგვიანებით ნევროლოგიური დაავადებების მეცნიერებათა დოქტორის ხარისხი მიიღო.
კვალიფიკაცია ევროპის ქვეყნებში აიმაღლა, მათ შორის გაიარა პრაქტიკული სწავლება ინსულტის მართვის კუთხით გერმანიის ქალაქ უნას ევანგელისტურ კლინიკაში. 15-წლიანი სამუშაო გამოცდილების მქონე ნევროლოგმა პროფესიული მოღვაწეობა ქალაქ ხარკოვში დაიწყო, სადაც სწავლის დასრულების შემდეგ 2 წლის განმავლობაში იმუშავა.
ამჟამად თამარ ჯანელიძეს დასავლეთ საქართველოს სამედიცინო ცენტრის კლინიკური დირექტორისა და ჰოსპიტლის ნევროლოგიური დეპარტამენტის ხელმძღვანელის პოსტი უჭირავს, სადაც სწორედ მისი ინიციატივით საქართველოში ინსულტის მართვის პირველი ცენტრი დაინერგა. გარდა ამისა, თამარ ჯანელიძე ევექსის ჰოსპიტალური ქსელის ნევროლოგია/ნეიროქირურგიის სამედიცინო ექსპერტთა საბჭოში წევრიანდება.
იაკობ ცერცვაძე
დასავლეთ საქართველოს სამედიცინო ცენტრის ნეიროქირურგიული განყოფილების ხელმძღვანელი
დაამთავრა თბილისის სახელმწიფო სამედიცინო ინსტიტუტი და რეზიდენტურა პირველ ცენტრალურ საუნივერსიტეტო კლინიკაში ნეიროქირურგიის მიმართულებით გაიარა. მოგვიანებით კვალიფიკაცია დასავლეთის ქვეყნებში, მათ შორის აშშ-ში, გერმანიაში, საფრანგეთში, ესპანეთში, ხორვატიაში, იტალიასა და შვეიცარიაში აიმაღლა, სადაც თანამედროვე ენდოვასკულურ ტექნიკას, ინტერვენციულ ნეირორადიოლოგიას, ხერხემლის ქირურგიას, ანევრიზმის ენდოვასკულურ მკურნალობასა თუ სხვა არაერთ სპეციალიზაციას დაეუფლა. სწავლის პარალელურად თურქეთის ქალაქ სამსუნის საუნივერსიტეტო კლინიკის ნერვოლოგიურ განყოფილებაში მუშაობდა.
2013 წლიდან ის ევექსის ჰოსპიტალური ქსელის გუნდის წევრი გახდა. ამჟამად იაგო ცერცვაძე დასავლეთ საქართველოს სამედიცინო ცენტრში ნეიროქირურგიულ დეპარტამენტს ხელმძღვანელობს და არის ქსელის ნევროლოგია/ნეიროქირურგიის სამედიცინო ექსპერტთა საბჭოს წევრი. ასევე, ის პედიატრიული ნეიროქირურგიის საერთაშორისო საზოგადოებისა და ევროპის ნეიროქირურგთა ასოციაციის წევრია.
ვლადიმერ წიქარიშვილი
კავკასიის მედიცინის ცენტრის ნეიროქირურგიული სამსახურის ხელმძღვანელი
დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი და რეზიდენტურა აკად. ბურდენკოს სახელობის ნეიროქირურგიის ინსტიტუტში გაიარა. დაიცვა სადისერტაციო თემა ქალაფუძის სიმსივნეების ქირურგიული მკურნალობის შესახებ და მედიცინის დოქტორის წოდება მიიღო.
არაერთი სტაჟირება გაიარა მსოფლიოს სხვადასხვა ქვეყანაში, მათ შორის, იტალიაში, გერმანიაში, ინგლისსა და აშშ-ში. არის ამერიკის ნეიროქირურგთა ასოციაციისა და ევროპის ნეიროქირურგიული საზოგადოების ასოციაციის წევრი. გარდა ამისა, გახლავთ ამერიკის ნეიროქირურგთა კონგრესისა და AO Spine ასოციაციის წევრიც. გამოქვეყნებული აქვს არაერთი პუბლიკაცია. ასევე, მან გამოსცა ორი სახელმძღვანელო და ერთი გზამკვლევი (გაიდლაინი).
ვლადიმერ წიქარიშვილი ევექსის ჰოსპიტალურ ქსელს 2017 წლიდან შემოუერთდა. კავკასიის მედიცინის ცენტრში ის ნეიროქირურგიის განყოფილებას ხელმძღვანელობს. ასევე, არის ნევროლოგია/ნეიროქირურგიის სამედიცინო ექსპერტთა საბჭოს წევრი.
მირზა ხინიკაძე
კავკასიის მედიცინის ცენტრის ნეიროქირურგი
დაამთავრა შოთა რუსთაველის სახელობის სახელმწიფო უნივერსიტეტის სამედიცინო ფაკულტეტი პედიატრიის მიმართულებით, კლინიკური ორდინატურა კი ა.ლ. პოლენოვის სახ. ნეიროქირურგიის სამეცნიერო კვლევით ინსტიტუტში გაიარა. ნეიროქირურგიის მიმართულებით ისწავლა ასპირანტურაზეც უკრაინის მეცნიერებათა აკადემიაში. 2008 წელს უკრაინის უმაღლესი საატესტაციო კომისიისა და სპეციალიზირებული სამეცნიერო საბჭოს გადაწყვეტილებით სამეცნიერო ხარისხი, 2010 წელს კი საქართველოს განათლების აკრედიტაციის ეროვნული ცენტრის გადაწყვეტილებით მედიცინის დოქტორის აკადემიური ხარისხი მიენიჭა.
მისი სამუშაო გამოცდილება 1999 წლიდან იწყება. მუშაობდა როგორც საქართველოში, ასევე - მის ფარგლებს გარეთ. ამჟამად კავკასიის მედიცინის ცენტრში ნეიროქირურგის პოსტზე მუშაობს.
არის რუსეთის, უკრაინისა და ევროპის ნეიროქირურგთა ასოციაციების წევრი. ასევე - უკრაინის ენდოვასკულური ნეირორენტგენოქირურგთა ასოციაციის წევრი. მის სახელს უკავშირდება არაერთი სამეცნიერო პუბლიკაცია და ნაშრომი.
კოკა გოგიჩაშვილი
კავკასიის მედიცინის ცენტრის ნეიროქირურგი
დაამთავრა თბილისის სახელმწიფო სამედიცინო უნივერსიტეტი. პარალელურად, სწავლობდა თურქეთის რამდენიმე წამყვან სასწავლებელში. მათ შორის - ათათურქის, ჩუკუროვას, სტამბოლისა და იურუნ ემრეს სახელობის უნივერსიტეტებში. პოსტდიპლომურ განათლებას საქართველოში, კავკასიის მედიცინის ცენტრში, ევექსის სარეზიდენტო პროგრამის ბაზაზე ნეიროქირურგიის სპეციალობით ამ დრომდე იღებს.
მისი სამუშაო გამოცდილება ათათურქის უნივერსიტეტიდან იწყება. მუშაობდა თურქეთის რამდენიმე წამყვან კლინიკაში. ამჟამად იკავებს რეზიდენტი-ნეიროქირურგის პოსტს კავკასიის მედიცინის ცენტრში. პარალელურად, ეწევა საგანმანათლებლო საქმიანობასაც.
ნინო აქიაშვილი
კავკასიის მედიცინის ცენტრის ნევროლოგი
დაამთავრა თბილისის სახელმწიფო სამედიცინო უნივერსიტეტი. რეზიდენტურა გაიარა პ. სარაჯიშვილის სახელობის ნევროლოგიისა და ნეიროქირურგიის ინსტიტუტში.
კარიერული განვითარების მიზნით, ნინო იყო არაერთი საერთაშორისო თუ ადგილობრივი ტრენინგის მონაწილე. 2008 წლიდან, ის აქტიურად ესწრება უცხოეთში გამართულ სიმპოზიუმებსა და კონგრესებს.
ნინო აქიაშვილს აქვს სამედიცინო სფეროში მუშაობის 22 წლიანი გამოცდილება. ამ ეტაპზე, ის გახლავთ ექიმი-ნევროლოგი, ნევროლოგიის განყოფილების ხელმძღვანელი კავკასიის მედიცინის ცენტრში.
ის ასევე არის საქართველოს ნევროლოგთა საზოგადოების, WFN და EFNS კორპორაციებისა და მოძრაობის დარღვევათა საზოგადოების წევრი.
ასლან გერმანიშვილი
ივ. ბოკერიას სახელობის საუნივერსიტეტო ჰოსპიტლი ნეიროქირურგიული მიმართულების ხელმძღვანელი
დაამთავრა თბილისის სახელმწიფო სამედიცინო უნივერსიტეტი, პროფესიული საქმიანობა გერმანიაში განაგრძო და კვალიფიკაცია ნეიროქირურგიის მიმართულებით აიმაღლა. 2008 წლიდან გერმანიის წამყვან სამედიცინო ცენტრებში სხვადასხვა პოზიცია ეკავა, მათ შორის მუშაობდა იენის საუნივერსიტეტო კლინიკაში და ხელმძღვანელობდა ფუნქციონალური ნეიროქირურგიის, სტერეოტაქსიური ტუმორის ქირურგიისა და მოზარდთა ნეიროქირურგიის მიმართულებას ცვიქაუს პარაცელსიუსის კლინიკაში.
ამჟამად ასლან გერმანიშვილი ივ. ბოკერიას სახელობის საუნივერსიტეტო ჰოსპიტალში ნეიროქირურგიული განყოფილების უფროსის პოზიციას იკავებს. სწორედ მისი ხელმძღვანელობით ტარდება კლინიკაში თავის ტვინისა და ზურგის ტვინის პათოლოგიების მკურნალობა. ასევე, ჰოსპიტლის ბაზაზე ჩამოყალიბდა ხერხემლის ცენტრი, სადაც ხერხემლის პათოლოგიების მკურნალობა თანამედროვე მეთოდებითა და ტექნოლოგიებით ასაკის შეუზღუდავად ხორციელდება. პარალელურად, ის ევექსის ჰოსპიტალური ქსელის ნევროლოგია-ნეიროქირურგიის სამედიცინო ექსპერტთა საბჭოს წევრია.
დალი მებონია
ივ. ბოკერიას სახელობის საუნივერსიტეტო ჰოსპიტლის ნევროლოგიური სამსახურის ხელმძღვანელი
დაამთავრა თბილისის სახელმწიფო სამედიცინო უნივერსიტეტის მედიცინის ფაკულტეტი, დიპლომისშემდგომი განათლება კი პიროგოვის სახელობის რუსეთის კვლევით სამედიცინო უნივერსიტეტში მიიღო.
მისი სამუშაო გამოცდილება 2016 წლიდან იწყება, მას შემდეგ, რაც საქართველოში დაბრუნდა. მუშაობდა არაერთ კლინიკაში ექიმი-ნევროლოგის პოზიციაზე. პარალელურად, მუდმივად იღებს მონაწილეობას სამედიცინო და სამეცნიერო ტრენინგებსა და კონფერენციებში.
ამჟამად დალი მებონია ივ. ბოკერიას სახელობის საუნივერსიტეტო ჰოსპიტალში ნევროლოგიური მიმართულების ხელმძღვანელის პოზიციას იკავებს.
ნონა შარაშენიძე
ივ. ბოკერიას სახელობის საუნივერსიტეტო ჰოსპიტლის ნევროლოგი
დაამთავრა თბილისის სახელმწიფო სამედიცინო უნივერსიტეტის სამკურნალო ფაკულტეტი, დიპლომისშემდგომი განათლება კი ნევროლოგიის მიმართულებით მიიღო.
მისი სამუშაო გამოცდილება 2012 წლიდან იწყება. სხვადასხვა დროს იკავებდა ექიმი ნევროლოგის პოზიციას არაერთ სამედიცინო დაწესებულებაში. ივ. ბოკერიას სახელობის საუნივერსიტეტო ჰოსპიტლის გუნდს კი ის 2021 წლიდან შეუერთდა.
პარალელურად, მუდმივად იღებს მონაწილეობას სამედიცინო და სამეცნიერო ტრენინგებსა და კონფერენციებში.
ზიზი კვარაცხელია
ივ. ბოკერიას სახელობის საუნივერსიტეტო ჰოსპიტლის ნევროლოგი
დაამთავრა თბილისის სახელმწიფო სამედიცინო უნივერსიტეტის მედიცინის ფაკულტეტი, დიპლომისშემდგომი განათლება კი ბელარუსიის სახელმწიფო სამედიცინო უნივერსიტეტში ნევროლოგიის მიმართულებით მიიღო.
2008 წლიდან მუშაობს სხვადასხვა სამედიცინო დაწესებულებაში ნევროლოგის პოზიციაზე. ასევე, ეკავა მენეჯერული პოზიცია ჯანდაცვის სფეროში. ივ. ბოკერიას სახელობის საუნივერსიტეტო ჰოსპიტლის გუნდს ის 2017 წლიდან შეუერთდა.
პარალელურად, მუდმივად იღებს მონაწილეობას სამედიცინო და სამეცნიერო ტრენინგებსა და კონფერენციებში.
პირველადი სამედიცინო დახმარების გზამკვლევი
გზამკვლევი - ყველაფერი ინსულტის შესახებ
ინსულტის სპეციალიზებული მკურნალობა
ინსულტის სპეციალიზებული მკურნალობა
სისტემური თრომბოლიზისი თავის ტვინის მომმარაგებელ სისხლძარღვში არსებული თრომბის დაშლას ინტრავენურად, მედიკამენტის შეყვანით გულისხმობს. მკურნალობა შესაძლებელია ინსულტის სიმპტომების აღმოცენებიდან პირველი 4,5 საათის განმავლობაში.
ენდოვასკულური თრომბოექტომია დაზიანებულ უბანში თრომბული მასის მექანიკურ ექსტრაქციას ითვალისწინებს. პროცედურის ჩატარება შესაძლებელია ინსულტის სიმპტომების აღმოცენებიდან მაქსიმუმ პირველი 9 საათის განმავლობაში.
ინსულტის სპეციალიზებული მკურნალობა თანამედროვე მეთოდებით ხორციელდება მულტიდისციპლინური გუნდის მიერ ყოველ დღე, 24 საათის განმავლობაში.
ინსულტის სპეციალიზებული მკურნალობა
მულტიდისციპლინური გუნდი
მკურნალობის თანამედროვე მეთოდები